Digitalisering av gards- og bruksnummer arkiv med innsynsløysning og avlevering til interkommunal arkiv i Rogaland

Om anbudet

Oppdragsbeskrivelse

Vindafjord kommune skal digitalisere sitt gards- og bruksnummerarkiv (heretter kalla arkivet). Formålet er å sikre betre tilgjenge, effektiv saksbehandling og trygg langtidslagring. Digitaliseringa skal gi betre tilgjenge og gjenfinning av dokument. Papirarkivet vil framleis vere arkivet sitt autentiske bevaringsformat for perioden, og vil bli avlevert til depot hos Interkommunalt arkiv i Rogaland (IKA Rogaland).  Det er mogleg å koma på synfaring ved behov og på førespurnad. Kontaktperson: Caroline Østenstad, 53656126, e-post: caroline.ostenstad@vindafjord.kommune.no

Kontaktinformasjon

Kontakt navn

Beate Tandrevold

Kontakt telefon

+47 53656565

Kontakt e-post

postmottak@vindafjord.kommune.no

Adresse

Rådhusplassen 1, 5580 ØLEN

• Totalpris for oppdraget

  60%

  Beskrivelse

  Totalpris for oppdraget

• Oppdragsforståing

  40%

  Beskrivelse

  Oppdragsforståing

• Miljø

  Beskrivelse

  Oppdragsgivar har vurdert om miljø bør inngå som tildelingskriterium i denne anskaffinga, jf. FOA § 18‑1a. Leveransen består i hovudsak av digitalisering av analoge arkiv, der sjølve tenesta blir utført digitalt hos leverandøren. Miljøpåverknaden knytt til oppdraget blir derfor vurdert som svært låg og i liten grad påverka av konkurransen mellom leverandørane. Den einaste delen av leveransen som kan ha ei viss miljøeffekt, er transport av arkivmateriale til og frå leverandør. Dette utgjer likevel ein minimal og standardisert del av oppdraget, der variasjonen i miljøprestasjon mellom leverandørane er liten. Transporten blir normalt gjennomført éin eller eit fåtal gonger, og gir derfor ikkje eit eigna grunnlag for å vekte miljø som tildelingskriterium. Oppdragsgivar vurderer på denne bakgrunnen at miljø ikkje er eigna som tildelingskriterium for denne anskaffinga. Det blir derfor ikkje nytta miljø som tildelingskriterium i denne konkurransen, jf. FOA § 18‑1a tredje ledd.

• Firmaattest

  Beskrivelse

  Leverandøren skal vere registrert i eit føretaksregister, fagleg register eller eit handelsregister i den staten der leverandøren er etablert.

  Dokumentasjonskrav

  Norske selskap: Firmaattest. Utanlandske selskap: Dokumentasjon som stadfestar at selskapet er registrert i føretaksregister, fagleg register eller handelsregister i den staten der leverandøren er etablert.

• Kredittvurdering

  Beskrivelse

  Leverandøren skal ha god økonomisk og finansiell kapasitet til å kunne utføre kontrakten. Vindafjord kommune kan hente inn ytterligere opplysningar for å kontrollere økonomisk kapasitet. Informasjon om økonomi kan bli henta frå Proff.no

  Dokumentasjonskrav

  Kredittvurdering som baserer seg på siste kjende rekneskapstal. Ratingen skal vere utført av kredittopplysningsverksemd som har konsesjon til å drive slik verksemd.

• Referanseprosjekter

  Beskrivelse

  Leverandøren skal ha erfaring frå samanliknbare oppdrag.

  Dokumentasjonskrav

  Beskriving: Leverandøren skal gi ei skildring av inntil tre av dei mest relevante oppdraga dei siste fem åra. Skildringa må innehalde opplysningar om kontrakt-/oppdragstype, oppdragets verdi, tidspunkt og mottakar (namn, telefon/e-post). Referansar: Referansar kan bli kontakta ved behov for å avklare oppdragets relevans. Det er likevel leverandøren sitt ansvar å dokumentere relevansen til oppdraget.

Se hele utlysningen