Om anbudet

Oppdragsbeskrivelse

Bakgrunn Lærdalsøyri er kommunesenteret i Lærdal kommune, og er utsett for flaum frå Lærdalselvi. Lærdal kommune skal i samarbeid med Norges vassdrags- og energidirektorat (NVE) utarbeida ein områdereguleringsplan for heilskapleg flaumsikring av Lærdalsøyri. Lærdal kommune er oppdragsgjevar og ansvarleg for utarbeiding av reguleringsplanen. Multiconsult har på oppdrag frå NVE utarbeidd ein moglegheitsstudie for heilskapleg sikring av Lærdalsøyri mot flaumhendingar i Lærdalselvi. Studien viser at det er mogleg å sikra Lærdalsøyri mot flaum, men at dette krev omfattande tiltak på begge sider av elva over eit større geografisk område. Tiltaka må planavklarast før dei kan prosjekterast og gjennomførast. Det aktuelle planarbeidet omfattar ikkje berre sjølve sikringstiltaka, men også areal som er nødvendige for tilkomst, bygging, rigg, drift, tilsyn og framtidig vedlikehald. Planarbeidet må ta omsyn til eksisterande busetnad, næringsverksemd, landbruk, infrastruktur, landskap, naturverdiar, kulturmiljø og andre interesser innanfor og i nærleiken av planområdet. Det er utarbeidd eit planprogram for områdereguleringa. Planprogrammet var på høyring og offentleg ettersyn i perioden 22.10.-21.12.2025, og blei fastsett av kommunestyret 10. september 2026. Det fastsette planprogrammet legg føringar for planprosessen, medverknaden, alternativa som skal vurderast og konsekvensutgreiast samt utgreiingsarbeidet som skal gjennomførast. Planarbeidet skal gjennomførast i nært samarbeid mellom Lærdal kommune, NVE, leverandøren og andre relevante styresmakter og interessentar. Føremålet med oppdraget Føremålet med oppdraget er å få fagleg bistand til å utarbeida ein komplett områdereguleringsplan for heilskapleg flaumsikring av Lærdalsøyri. Områdereguleringsplanen skal: Avklara arealbruken for aktuelle flaumsikringstiltak Sikra nødvendig areal for etablering, tilkomst, bygging, rigg, drift og vedlikehald av tiltaka Avklara forholdet til eksisterande og planlagd arealbruk Vurdera verknadene av tiltaka for miljø og samfunn Gi eit tilstrekkeleg grunnlag for vidare detaljprosjektering og gjennomføring Bidra til ein føreseieleg og etterprøvbar planprosess Legga til rette for medverknad med grunneigarar, innbyggarar, næringsliv, organisasjonar og offentlege styresmakter Leverandøren skal sikra fagleg samordning mellom dei ulike delane av planarbeidet. Det skal vera tydeleg og dokumenterbart samsvar mellom fagutgreiingane, konsekvensutgreiinga, risiko- og sårbarheitsanalysen, plankartet, reguleringsføresegnene og planomtalen. NVE jobbar parallelt med forprosjektet, og det er forventa at leverandøren samarbeider tett med NVE for å sikra samsvar mellom kommunen og NVE sine planarbeid.Hovedtrekkene i prosedyrenAlle interesserte leverandører kan levere tilbud gjennom Hyyr. Konkurransen har ingen prekvalifiseringsfase. Tilbudene evalueres direkte, og det er ikke adgang til dialog eller forhandlinger utover mindre avklaringer og korrigeringer av tilbudene. Leverandøren oppfordres på det sterkeste til å følge de anvisninger som gis i dette konkurransegrunnlaget med vedlegg og eventuelt stille spørsmål ved uklarheter i kommunikasjonsmodulen i Hyyr.

Kontaktinformasjon

Kontakt navn

Lærdal kommune

Kontakt telefon

47881259

Kontakt e-post

niklas.aarnio@laerdal.kommune.no

Adresse

Øyraplassen 7, 6887 LÆRDAL

• Pris

  40%

  Beskrivelse

  Pris blir evaluert på grunnlag av evaluert totalpris. Evaluert totalpris blir rekna ved å multiplisere tilbydde timeprisar med dei evalueringsmengdene som er oppgitte i prisskjemaet. Eventuelle andre priskomponentar som går fram av prisskjemaet, blir lagde til. Evalueringsmengdene blir berre nytta for å sikre samanliknbare tilbod. Dei inneber ikkje nokon garanti for faktisk timeforbruk eller uttak under kontrakten. Dersom leverandøren ikkje fyller ut ein prispost, kan oppdragsgjevaren leggje den høgaste relevante prisen i tilbodet til grunn, dersom dette kan gjerast utan å endre tilbodet.

• Oppgåveforståing og gjennomføringsopplegg

  30%

  Beskrivelse

  Oppdragsgjevaren vil vurdere i kva grad det dokumenterte gjennomføringsopplegget sannsynleggjer ei effektiv, føreseieleg og fagleg god gjennomføring av det konkrete oppdraget. Det blir lagt vekt på: om leverandøren viser god forståing av føremålet, kompleksiteten og dei sentrale utfordringane; om arbeidsmetodane er konkrete, relevante og tilpassa oppdraget; om opplegget sikrar god samordning mellom fagområda og plandokumenta; om framdrifta og ressursdisponeringa er realistisk; om sentrale risikoar og avhengigheiter er identifiserte og følgde opp med konkrete tiltak; om opplegget for samarbeid og medverknad er målretta og gjennomførbart; om gjennomføringsopplegget reduserer behovet for omarbeiding, forseinkingar og unødvendig ressursbruk. Det blir vurdert positivt dersom leverandøren identifiserer oppdragsspesifikke utfordringar og foreslår konkrete og realistiske tiltak som gir meirverdi utover minstekrava i kravspesifikasjonen. Omfattande tekst gir ikkje i seg sjølv høgare poengsum. Det er relevansen, presisjonen og kvaliteten på det skildra opplegget som blir vurdert.

• Kompetanse og erfaring hjå tilbode nøkkelpersonell

  30%

  Beskrivelse

  Oppdragsgjevaren vil vurdere i kva grad tilbode nøkkelpersonell har kompetanse og erfaring som kan bidra til høg kvalitet og effektiv gjennomføring av det konkrete oppdraget. Det blir lagt vekt på: relevant utdanning og fagleg kompetanse; erfaring frå komplekse og tverrfaglege planoppdrag; erfaring frå konsekvensutgreiing og risiko- og sårbarheitsanalyse; erfaring frå planlegging av flaumsikring, naturfaretiltak eller større tekniske anlegg; erfaring frå samhandling med kommunar, statlege styresmakter, grunneigarar og andre interessentar. Erfaring frå områderegulering, flaumsikring og tilsvarande komplekse planprosessar blir vurdert positivt, men er ikkje eit absolutt krav til kvar enkelt nøkkelperson. Det blir gjort ei samla vurdering av nøkkelpersonellet. Prosjektleiaren og senior arealplanleggjar vil bli tillagde størst betydning. Vekting av nøkkelpersonell ved vurdering vil vere som følger: Prosjektleiar 40 % - senior arealplanleggar 40 % - junior arealplanleggar 20 %. Opplysningar som berre gjeld leverandøren si generelle verksemdserfaring, og som ikkje kan knytast til tilbode nøkkelpersonell, blir ikkje vurderte under dette kriteriet.

• Klima og miljø

  Beskrivelse

  Oppdragsgjevaren har vurdert anskaffinga etter anskaffingslova § 5 b tredje ledd. Anskaffinga gjeld ei plan- og rådgivingsteneste som etter si art hovudsakleg består av fagleg arbeid, digitale leveransar og digitale møte. Kontrakten omfattar ikkje byggje- og anleggsarbeid, maskinbruk eller innkjøp av byggjemateriale, og behovet for fysiske møte og reiser er avgrensa. Oppdragsgjevaren vurderer derfor at både klimaavtrykket og miljøbelastninga frå sjølve rådgivingstenesta er uvesentleg. Unntaket i anskaffingslova § 5 b tredje ledd kjem dermed til bruk, og klima- og miljøomsyn blir ikkje nytta som eige tildelingskriterium. Rådgivaren sitt arbeid kan likevel ha vesentleg betydning for klima- og miljøverknadene av dei framtidige flaumsikringstiltaka. Slike omsyn skal derfor ivaretakast som ein integrert del av planarbeidet, konsekvensutgreiinga og dei faglege vurderingane som følger av kravspesifikasjonen og fastsett planprogram.

Fant ingen kvalifikasjonskrav i konkurransekunngjøringen.

Se hele utlysningen